مرحبا …. 
صباح اليوم بقيت ما يقارب ربع ساعة استمع لصوت مبحوح صادر عن مكبر صوت ذو إمكانيات عالية وهو ينادي ( 4 علب كولا بـ 100 ليرة – و طرد المحارم بــ 75 – ويلله يا شباب دعاية المعمل ) يعني بدي أفهم شو هالطريقة التسويقية المرعبة يعني بصراحة لسه علماء الاقتصاد ما ناقشوها بموسوعاتهون المتواضعة أمام هيك فن تسويقي إبداعي …
وبعض الباعة بيتناوب هوي ورفيقو بالصراخ عبر مكبر الصوت ( بس مشان ما تملو من الصوت ) والبعض الأخر لا يهمه أن يرفهك ويسمعك إلى شريط كاسيت مسجل مسبقا عن سلعه المضاربة .
طيب على أساس البلديات ومجالس المحافظات حلت مشكلة موزعي قناني الغاز وطلبت منون تشغيل أغاني فيروز بدل الضرب على القناني بالمفك الانكليزي “رانج” لإصدار ترانيم رائعة تنبهك بمرور موزع الغاز, المهم هل البلديات مو منتبهين لهالكم الكبير من الباعة المتجولين المعيّطين ؟؟.. وواثق تمام الثقة انو ماشين هيك بسياراتون وبضاعتون بلا رخصة وبلا بطيخ مبسمر .. ….
فعلا هالموضوع لازمو حل والجهات المعنية لازم تنتبه لهيك أمور وتحلها أو يمكن هالجهات مو مزعوجة لأنها مو متعودة تسمع .… يعني عن جد صار معنا صرااااااع ….
هههه وصلو لعندك كمان , لسا هلا قبل ما اقرأ التدوينة كنت عم قول نفس الحكي
.
عن أي بلدية تتحدث؟ وأي جهات معنية ؟ هل تعتقد أن الجهات المعنية هي فعلاً معنية ؟ وحب أيه يلي أنت جاي تقول عليه ….. دعهم يضوضئون فلا حياة لمن تنادي دع الجثث مكانها ستتحلل يوماً ما.
قبل 11 عاماً كنت أعمل ليلاً فلا أصل البيت قبل 10 صباحاً، وما إن أركن رأس لأنام يبدأ عبر الحارة نشيج أغنية البوشار التي يصل صاحبها ليسحب الأطفال الصغار والنساء من المنازل.. تستمر الأنشاج طيلة نصف ساعة وأحياناً أكثر، ترفس كل هبة نوم من عيني، لم تنتهي الغوغاء إلا بشرائي آلة صنع البوشار تلك وإحراقها في مكب النفايات، فمن في مجتمعنا قادر على شراء مهن هؤلاء الشباب لتطويرهم وإغناءهم عن إزعاج الناس؟
بصراحة الشي كتير صار مستفحل ..
الضجة صايرة ما عمتنطاق .. بشعة لدرجة كافيه إنه تقلب حياتنا لجو مشحون دائماً ..
بدنا نطنش .. ونفش خلقنا شوية .. ومو طالع بالأيد شي .. وبتهون .. واذا ما هانت بنكون متنا وحاجتنا
تحياتي
فعلا تلوث ضوضائي بشكل متأزم وين ما رحتو
مع العلم انو بالكثير من البلدان تحرر مخالفة لأي شخص كان إذا سبب تلوث ضوضائي لحد معين
………. وهون لا سائل ولا مسئول ….
أحسن شي نتأقلم أو نلغي حاسة السمع ونصير نفهم على بعض بالومى !!!!!!!!
……
تحياتي جميعا وشكرا لتواجدكون بصفحاتي
بصراحة الشي كتير صار مستفحل ..
الضجة صايرة ما عمتنطاق .. بشعة لدرجة كافيه إنه تقلب حياتنا لجو مشحون دائماً ..
بدنا نطنش .. ونفش خلقنا شوية .. ومو طالع بالأيد شي .. وبتهون .. واذا ما هانت بنكون متنا وحاجتنا
تحياتي
انا ماعدت اشتريت ساعات لأنو عصلاة الصبح الفرن تحتنا ببلش خبز وتوزيع الله يرضى عليه بفيقني عصلاة شفت شو منيح اما عساعة 8.30بيحلا لبياعين اللبن تحت بيتي دق علب اللبن لشو وخناقاتن وصواتن العالية مع الي بجبلن لبن الصبح لشو بدي منبه لفيق لشغلي لازم نزلن هدايا لأنن عم يفيقوني علوقت اما اذا شي نهار طنشت كل هشي ونمت من تعبي مستحيل ضل لبعد 11بتبلش عجقة السيارات والزمامير..وفرو علي ساعات الله يرضى علين وخلوني نظامية بروح عشغلي علوقت .انا شو بدي شي تاني غير هيك..